ГАПЛАГРУПА R
Распаўсюджванне R1a (сірэневы) і R1b (чырвоны)
Гаплагрупа R Y-храмасомы чалавека адзначана мутацыяй у SNP маркеры M207 і з'яўляецца нашчадкам гаплагрупы P. Найболей распаўсюджана падгрупа R1, адзначана мутацыяй M173. Яна з'яўляецца самай сустракаемай па ўсёй Еўропе і заходняй Еўразіі. Гэта звязана з перасяленнямі пасля апошняга ледніковага максімуму. Галоўныя падгрупы R1a (M17) і R1b (M343).
Паходжанне.
Мяркуецца, што гаплагрупа R магла зарадзіцца дзе-небудзь на паўночным захадзе Азіі паміж 30 000 і 35 000 гадоў назад. Аднак большасць разнавіднасцяў гаплагрупы R знойдзена сярод насельніцтвы Сярэдняй Азіі, Сібіры і карэнных амерыканцаў. Адна ізаляваная падгрупа, прыналежная да R, знойдзена сярод карэннага насельніцтва паўночнага Камеруна на захадзе цэнтральнай Афрыкі; як лічаць, гэтая падгрупа паўстала як вынік дагістарычнага перасоўвання старажытнага еўразійскага насельніцтва зваротна ў Афрыку.