ГЕРБ “ПОМЯН”
"Помян", прыватнаўласніцкі герб, якім карысталіся больш, чым 130 родаў Беларусі, Украіны, Літвы і Польшчы, у тым ліку Асецкія, Багаткі, Брудзеўскія, Грабскія, Макавецкія, Ратэнскія, Саковічы. Мае на залатым полі малюнак чорнай галавы зубра, прабітай наскрозь мячом. Клейнод - над верхам кароны срэбная рука ў даспехах з мячом. Вядомы з пачатку 14 стагоддзя, у ВКЛ - пасля Гарадзельскай уніі 1413 года.