ГЕРАДОТАВЫ НЕЎРЫ 

ГЕРБ “АЛЬШАНСКІЯ”

"Альшанскія", старадаўні княжы род, прадстаўнікі якога займалі высокія дзяржаўныя пасады ў ВКЛ, мелі вялікія землеўладанні на Беларусі і Ўкраіне. Карысталіся гербам "Гіпацэнтаўр" (выява каня, у якога галава, грудзі і рукі чалавека: замест хваста - пашча цмока, у якую пападае страла, выпушчаная з лука рукамі самой жа жывёлы). Генеалагічныя легенды 16 стагоддзя звязвалі Альшанскіх з старадаўняй Літоўскай дынастыяй Кітаўрусаў, якая панавала ў Літве перад дынастыяй Віценя і Гедыміна. Радавым гняздом Альшанскіх быў Альшанскі замак недалёка ад Ашмянаў.