АК-КЕПРУК
Матэрыял з Вікіпедыі - вольнай энцыклапедыі
АК-КЕПРУК - горад у Афганістане ў правінцыі Балх. Тут выяўлены шматлікія археалагічныя помнікі, якія адносяцца да эпох пачынаючы з канца палеаліту і да канца неаліту.
Стаянкі знаходзіліся як у пячорах, так і на адкрытай мясцовасці. Раскопкі праводзіў напачатку 1960-х гг. археолаг Луі Б. Дзюпрэ (Louis B. Dupree).
З прычыны складанай стратыграфіі рэканструкцыя археалагічнай паслядоўнасці знаходак з'яўляецца цяжкай.
Выяўлены археалагічны матэрыял сведчыць пра існаванне тут абшчын аселых земляробаў, верагодна, адных з найболей старажытных у дадзеным рэгіёне.
З-за складанага палітычнага становішча ў Афганістане гісторыя ўзнікнення земляробства тут яшчэ занадта дрэнна вывучана, і новыя раскопкі пакуль не ўяўляюцца магчымымі.
Сярод знойдзеных стаянак уяўляюць цікавасць:
- пячоры Гары-Мар (Ghar-e-Mar, два ўзроўня: A і B).
На ўзроўні В выяўлены каменныя матыкі, жораны і пасудзіны са стэатыту.
- Гары-Асп (Ghar-e-Asp) - розныя аб'екты IX тыс. да н. э.: каменныя пласцінкі сярпоў, скрабкоў, шыла.
Археолагамі выяўлены косткі, якія належаць прыручаным авечкам і козам.
Усе гэтыя знаходкі паказваюць на прысутнасць грамадства, змешчанага на ўзроўні дакерамічнага неаліту, якое валодала ужо ведамі аграрных тэхналогій, аднак яшчэ не адмовіўшыеся ад шырокага выкарыстання палявання і збіральніцтва.
Застаецца невырашаным пытанне, чаму Ак-Кепрук знаходзіўся гэтак далёка ад прарадзімы неаліту, Урадлівага паўмесяца.
У пазнейшых пластах выяўлены пячоры III тыс. да н.э. з сельскагаспадарчым прыладдзем і керамікай.
Апроч неалітычнага селішча, тут выяўлены і больш раннія стаянкі эпохі эпіпалеаліта з рэшткамі жылля і паляўнічага прыладдзя.
Спасылкі http://ru.wikipedia.org/wiki/%D0%90%D0%BA-%D0%9A%D1%91%D0%BF%D1%80%D1%8E%D0%BA